सिन्धुपाल्चोक । जिल्लाको बलेफी बजारबाट सुरु हुने ‘बलेफी जलबिरे तेम्बाथान’ बैकल्पिक राष्ट्रिय राजमार्गको सुरु बिन्दु बलेफी बजारको सडक मापदण्ड अनुसार भत्काउन आवस्यक घर टहरा ब्यबस्थापन कार्यमा सहमती जुटेको छ । स्थानीय बासिन्दा, बलेफी गाउँपालिका, वडा नं ५, सडक डिभिजन कार्यालय चरिकोट र निर्माण कसम्पनीबिचको छलफलमा सहमती जुटेपछि बाटो विस्तारको काम सुरु भएको छ । बलेफी गाउँपालिकाले यस अघि सहतीका लागि गरेको पटक पटकको प्रयास पछि बुधबार सहमती भएको पालिका अध्यक्ष गंगा बहादुर तामाङले जानकारी दिए ।

बलेफी बजार छिर्ने विन्दुदेखि ७ वटा टहरा र पक्कि घरहरुमा समेत ९ मिटर कायम गरी विस्तारको सहमती भएको अध्यक्ष तामाङले बताए । सहमती अनुसार निर्माण पक्षले मापदण्ड अनुसार घट टहरा भत्काउने र बनाउन काम गर्ने छ । यसका स्थानीयले अबरोध गर्दै छैनन् । बलेफी गाउँपालिका वडा नं ५ का कार्यबाहक अध्यक्ष नारायण खड्काले लामो समयदेखि रोकिएको बाटो विस्तारको गाँठो फुकाउन महत्वपूर्ण काम भएको सुनाए । स्थानीयले पहिले सडक विभागले भत्काउन मात्रै आदेश दिएको तर यसपाली भत्काउने र बनाउने समेत जिम्मेवारी लिएकोले सहमती बनेको सुनाए ।

बाटो विस्तारको काम हुन नपाउँदा कालोपत्रेको काम समेत रोकिएको छ । यो काम सकिपछि कालोपत्रेको काम सुरु हुने सडक विभागले जनाएको छ ।